THOUSANDS OF FREE BLOGGER TEMPLATES

01 مايو 2009

الشمس بانت من بعيد

اول حاجه بتربط بينا وبين بداية يومنا غير الصحيان بدرى هى الشمس طبعا
نفتح الشباك نلقى نور الشمس فى وشنا ونحس ببدايه جديده مع يوم جديد نتمنى فيه حاجه جديده . عايزين نتكلم بقى عن الشمس الى خلقها ربنا ومنقدرش نعيش من غير وجودها


حرارة الشمس

حرارة الشمس الى بتكون فى الشتا نعمه بندعى ربنا ليل ونهار علشان توصلنا والى بتكون فى عز الصيف عذاب ممكن يصل بينا ان احنا مننزلش من بيتنا اصلا
حراة الشمس دى بتجبلنا منين؟
الشمس اساسا مش كتله صلبه زى الارض الشمس عباره عن مجموعه من الغازات تختلف فى درجة حرارتها وتتحد فى ارتفاعها ودرجة الحراره العاليه دى كفيله انها تحول اى جسم صلب الى حاله غازيه وبالتالى فالشمس كتله غازيه علطول . وبما ان درجة حرارة الشمس مرتفعه جدا فان الماده فيها بتتحول باستمرار الى طاقه كبيره جدا جدا . يعنى نحسب كده كل واحد فى الميه من كتلة الشمس تدى طاقه كافيه لابقاء الشمس فى درجة حرارتها الحاليه لمدة 150 مليار سنه والطاقه دى هى الى بتدينا حرارة الشمس وتخلينا نحس باشعتها


غروب الشمس

اول حاجه بنقولها لما نروح نصيف ونقعد على البحر .عايزين نشوف غروب الشمس . انا شخصييا بقول كده لانى مشفتش ولا هشوف اروع واجمل من غروب الشمس فى حياتى ولا اجمل من لون غروب الشمس
ايه الى بيخلى غروب الشمس لونه احمر او برتقالى محمر
ضوء الشمس عباره عن مجموعه من الالوان والغلاف الجوى للارض بيحتوى على جزيئات من الهواء والغبار والماء والبخار ولما بيمر ضوء الشمس من خلال الجزيئات والشوائب دى تتبعثر الوانه المختلفه. وغلافنا الجوى بيبعثر الالوان التانيه زى الازرق والاخضر وغيره اكتر من بعثرته للونين الاحمر والاصفر وبالتاللى لما تيجى الشمس تنخفض يوصل عندنا بس اللونين دوى

كسوف الشمس

الكسوف ظاهره قليل قوى لما بنشوفها عندنا لانها ظاهر مش بتحصل فى المكان الواحد الا كل 360 يوم . الكسوف بيحصل لما ييجى القمر فى منطقه بين الارض والشمس وبالتالى بيغطى على الشمس ولازم يكون القمر جديد اى هلال علشان يكون موجود فى المنطقه دى ويحصل الكسوف .عكس خسوف القمر الى لازم يكون فيه القمر بدر كامل علشان يقع فى المنطقه خلف الارض وبالتالى يختفى

زى كده




3 التعليقات:

dr.lecter يقول...

بعض العلماء بيتوقعوا نهايه العالم هتبقي انفجار شمسي من جواها وهتحرق الارض بعد كده او يحصل كسوف كلي للشمس وكل اشكال الحياه المعتمده عليها هتموت نتييجه غياب ضوئها علشان كده فيه فكره مجنونه علي مااظن واخدينها من قصص دكتور نبيل فاروق بخلق شمس صناعيبه

Cinderella يقول...

أعتقد كلامك صحيح يا دكتور وده أظنه المقصود بقوله تعالى في الآية القرآنية: "إذا الشمس كورت" :) .. ميرسي جدًا على تفاعلك معانا وياريت تشرفونا وإن شاء الله نكون عند حسن ظنكم :)

الشارده يقول...

والله كنت حاسه انك اول واحد هيرد
ايه رايك؟

عايزين رايك بمنهتى الحياد